Diş ətində qanaxma ürək xəstəliyinin gizli siqnalı ola bilər.
Lent.az xarici mediaya istinadla bu əlamətləri təqdim edir:
Diş ətində qanaxma sadəcə ağız gigiyenası problemi deyil
Bir çox insan diş əti xəstəliklərini yalnız ağız boşluğu ilə əlaqələndirir. Amma stomatoloqlar xəbərdarlıq edir: qanayan diş ətləri ürək-damar xəstəliklərinin ilk xəbərçisi ola bilər. Aparılan tədqiqatlar göstərir ki, diş ətinizin vəziyyəti damarların sağlamlığını da əks etdirə bilər.
Stomatoloqun xəbərdarlığı
Cərrah-stomatoloq Andrey Bojiç izah edir ki, davamlı diş əti iltihabı ürək-damar xəstəliklərinin riskini artırır. “Əgər biz şişmiş, qanayan və dişdən ayrılan diş ətləri görürüksə, bu, orqanizmdə davamlı iltihabın göstəricisidir. Bu iltihab yalnız ağız boşluğunda qalmır, həm də damarları, ürəyi və bütün qan dövranını zədələyə bilər".
Orqanizmdə gizli mexanizm
Dişlərdə yığılan lövhə (nalot) infeksiyaya və diş əti iltihabına səbəb olur. Bakteriyalar qana keçərək damarlarda yağ yığıntıları (ateroskleroz) formalaşdıra bilər. Bu proses ürək tutması, insult və digər ürək-damar xəstəliklərinin riskini artırır.
Tədqiqatlar göstərir ki, ağır diş əti xəstəliyi olan insanlarda ürək problemlərinin yaranma ehtimalı sağlam insanlara nisbətən xeyli yüksəkdir.
Diş əti qanaxması bədənin SOS siqnalı
Bojiç qeyd edir: “Diş əti qanaxması yalnız stomatoloji məsələ deyil, bu bütün bədənlə bağlı problemin əlamətidir. İlk əlamət ağızda görünsə də, əsas təhlükə daha dərindədır".
Gülümsəmənizi və ürəyinizi necə qoruya bilərsiniz?
Stomatoloqun məsləhətləri
Gündə iki dəfə dişləri fırçalayın
Diş ipindən mütəmadi istifadə edin
Müntəzəm stomatoloq müayinəsindən keçin
Şəkər istifadəsini azaldın
Siqaretdən imtina edin
Sağlam qidalanma qaydalarına əməl edin
Diş əti qanaxmasını kiçik problem hesab etməyin. Bu, ürək sağlamlığınız üçün ilk xəbərdarlıq siqnalı ola bilər. Dişlərinizi qoruyaraq, həm də ürəyinizi qorumuş olarsınız.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
