Soyuducular və xüsusilə dondurucular ən çox enerji sərf edən məişət texnikası sayılır. Lakin onların işini daha səmərəli etmək və elektrik xərclərini azaltmaq üçün sadə üsullar mövcuddur.
Lent.az bu üsulları təqdim edir:
Dondurucu kamera ən səmərəli şəkildə o zaman işləyir ki, o, maksimum dolu olsun. Əsas enerji xərci daxilə düşən isti havanı soyutmağa gedir. Hər dəfə qapı açıldıqda boş kameraya isti hava daha çox dolur. Əgər kamera doludursa, isti havanın həcmi azalır və artıq soyudulmuş məhsullar temperaturu tez bərpa etməyə kömək edir.
Nə etmək lazımdır?
Əgər dondurucunuzda kifayət qədər ərzaq yoxdursa, onu doldurmaq üçün bahalı məhsullara ehtiyac yoxdur. Mütəxəssislər belə tövsiyə edirlər:
su ilə doldurulmuş zip-paketlər,
buz qabları, sadə buz kisələri. Bu sadə vasitələr ucuz və effektivdir, həmçinin dondurucuda boşluğu azaldaraq enerji sərfini aşağı salır.
Soyuducunun enerji sərfini azaltmağın digər yolları
Industrial Magazine aşağıdakı qaydalara əməl etməyi məsləhət görür:
Soyuducunu istilik mənbələrindən (plita, radiator, günəş şüası) uzaqda yerləşdirin. Divardan ən azı 10 sm məsafə saxlayın ki, ventilyasiya yaxşı işləsin. Temperaturu düzgün tənzimləyin: soyuducuda +4 °C, dondurucuda isə –18 °C. Kameraya isti yeməklər qoymayın. Avtomatik ərimə sistemi yoxdursa, dondurucunu mütəmadi olaraq əridin.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
