Kartof püresinin dadını tamamilə dəyişən gizli inqrediyent: Parmesan

Kartof pürəsi — klassik yeməkdir. O, sosiska, tərəvəz qovurması, balıq və s. kimi bir çox yeməklə mükəmməl uyğunlaşır. Kartof, süd və yağ qarışığı demək olar ki, hər kəsin xoşuna gəlir. Ancaq peşəkar aşpazların bu sadə reseptə əlavə etdiyi bir gözlənilməz sirr var ki, püresi tamamilə yeni dad səviyyəsinə qaldırır.

Lent.az bu gizli inqrediyenti sizə təqdim edir:

Şef-aşpazlar kartof püresinə parmezan pendirinin qabığını əlavə etməyi məsləhət görürlər. Bu qabıq yeməyə duzlu və torpaqvari notlarla zənginlik qatır. Adətən mətbəxdə atılan bu sərt hissə əslində yeyilə bilən və qastronomik xəzinə sayılan bir komponentdir. Parmezanın yetişmə prosesi zamanı əmələ gələn bu qabıq, xüsusilə italyan mətbəxində şorba, güvəç və digər yeməklərin dadını dərinləşdirmək üçün çox sevilir.

Süd, yağ və bir parça parmezan qabığını birlikdə zəif odda 20 dəqiqə qızdırın. Daha sonra bu qarışığı kartof püresinə əlavə edin və zövqə görə ədviyyatlarla tamamlayın. Bu üsul soyuducuda demək olar ki, heç nə olmasa belə işə yarayır, çünki parmezan qabığının saxlanma müddəti çox uzundur. Mütəxəssislər məsləhət görürlər ki, onu sadəcə zip-paketə qoyub dondurucuya yerləşdirin — orada bir ilədək saxlamaq mümkündür.