YUĞ-da “Yeraltı Gözəllik Yarışması” keçiriləcək

Bu gün saat 18:00-da “YUĞ” teatrında Qabriel Qarsia Markesin əsəri əsasında hazırlanmış "Misis və mister cəsəd" tamaşasınnın premyerası keçiriləcək. Teatrln ədəbi hissə müdiri Elçin Cəfərovun Lent.az-a verdiyi məlumata görə, tamaşa “Dünyanın ən gözəl ölüsü” hekayəsi və “Gözlənilən bir qətlin tarixçəsi” povestinin motivləri əsasında rejissor ƏR-Toğrulun qurulunda təqdim olunacaq.

55 dəqiqəlik tamaşanın quruluşçu rəssamı Umay Həsənova,musiqi tərtibatı Mələk Vəlizadə, rejissor assistenti Yaqut Paşazadədir. Əməkdar artist Yaqut Paşazadə (Luisa Santyaqo, Amid Qasımov (Santyaqo Nasar),Rasim Cəfər (Bayyardo San Roman), Könül Cəfərzadə (Anxela Vikario) və başqalarının da iştirak etdiyi tamaşa o biri dünyada keçirilən “Yeraltı Gözəllik Yarışması”ndan bəhs edir. Yarışmanın şərtlərinə görə, iştirakçılar dirildilib, bu dünyaya göndərilir. Sağ olarkən etdikləri əməlləri təkrarlayaraq, öz əməllərinə özləri qiymət verirlər.