Bu seriallar sizi DİNCƏLDƏCƏK - VİDEO

Yenidən yüklənməyə ehtiyacınız var? Bu yeni seriallar sizə parlaq duyğular bəxş edəcək, rahatlanmağa və dincəlməyə kömək edəcək. Burada həm komediyalar, həm də dramlar var – əhvalınıza uyğununu seçin!

Lent.az ən maraqlı serial yeniliklərinin seçimini təqdim edir.

"Sirenalar"

Qara yumor və dramın qarışığı olan bir hekayə. Bu, qadınlar və hakimiyyət mövzusunda kəskin bir tədqiqatdır. Divon bacısı Simonenin varlı bir rəhbərlə qəribə münasibətini görüb ona müdaxilə etməyə qərar verir. Lakin qadın hələ bilmir ki, həqiqəti axtarışları təhlükə ilə nəticələnə bilər.

"Doqquz mükəmməl yad adam"

Triller elementləri olan psixoloji dram. Doqquz yad adam "şəfa" məqsədilə sağlamlıq mərkəzinə gəlir. Vəziyyət mürəkkəbləşir, çünki qeyri-ənənəvi müalicə üsulları gözlənilməz nəticələrə gətirib çıxarır. Artıq ikinci mövsüm efirdədir.

"Qatil-bot"

Öz kodunu sındıraraq müstəqillik qazanan kiborg haqqında fantastik döyüş filmi. O, insanlarla ünsiyyətdən qaçır və seriallara baxmağı sevir. Hər şey dəyişir, çünki gözlənilməz hadisələr androidi komfort zonasından çıxmağa və vacib bir missiyaya qoşulmağa məcbur edir.

"Poker üz"

Mistika janrında serial kazino işçisi Çarli Keyl haqqında danışır. Kazino sahibindən qaçan Çarli təsadüfən müəmmalı ölümləri araşdırmağa başlayır. Artıq ikinci mövsüm yayımlanıb və əvvəlkindən heç də geri qalmır. Qızın əsas xüsusiyyəti – insanların nə vaxt yalan danışdığını asanlıqla müəyyən edə bilməsidir.

"Hiylələr"

Stendapçı Debora Vens karyerasında durğunluq yaşayır. Materialını yeniləmək üçün o, qalmaqallı tvitinə görə işini itirmiş ssenarist Ava ilə işləməyə başlayır. Yaradıcılıq tandemi birgə işləyərək bir-birinə təsir edir və həm yüksəlişlər, həm də enişlər yaşayır.