Azərbaycan Beynəlxalq “Xoca Nəsrəddin” müsabiqəsində
26 avqust 2010 12:07 (UTC +04:00)

Azərbaycan Beynəlxalq “Xoca Nəsrəddin” müsabiqəsində

Mərasim oktyabr ayının ortalarında Türkiyədə keçiriləcək. Müxtəlif ölkə karikaturaçılarının qatılacağı tədbirə Azərbaycan Karikaturaçılar Birliyinin sədri Bayram Hacızadə də dəvət alıb.


Bayram Hacızadənin Lent.az-a verdiyi məlumata görə, yubiley tədbirində 50-yə yaxın ölkənin təmsilçisi iştirak edəcək. Mərasim zamanı təmsilçilərin əsərləri də sərgilənəcək. Karikaturaların hamısı “Xoca Nəsrəddin – dünən və bu gün” mövzusunda olacaq: “Artıq bu mövzuya həsr olunmuş 2 əsərimi müsabiqə təşkilatçılarına göndərmişəm. Belə bir tədbirdə iştirak etmək Azərbaycan karikatura sənətinin uğuru sayılır. Bir neçə il əvvəl Azərbaycana belə tədbirlərdən dəvət gəlmirdi. Amma son illər özümüzü yada sala bilmişik. Əsas məqam da elə budur. O ki qaldı tədbirə, çox yüksək səviyyədə bir mərasim olacaq. Çünki bu “Xoca Nəsrəddin” dünyada ən uzunmüddətli karikatura müsabiqələrindən biri sayılır. Tədbir Türkiyənin rəsmi dairələrinin, dövlət adamlarının, dünyanın müxtəlif ölkələrinin sənət adamlarının iştirakı ilə düzənlənəcək. Ölkəmizi orada layiqincə təmsil etmək üçün əlimdən gələni əsirgəməyəcəm”.

Xəyalə Muradlı
# 413

Oxşar yazılar