Məşhur rəqs qrupu Bakıda... –

Danimarkanın dünyaca tanınmış rəqs qrupu olan “National Danish Perfomance Team” (NDPT) Azərbaycanın paytaxtı Bakının qonağı olacaq. Lent.az-ın məlumatına görə, Gənclər və İdman Nazirliyinin dəvəti ilə şəhərimizə təşrif buyuracaq, ifalarında əsasən akrobat rəqslərinə üstünlük verən rəqs qrupunun Bakıda bir neçə çıxışı olacaq. 10 günlük səfər çərçivəsində Danimarka rəqqasları Bakıda master-klasslar keçəcək, mədəni əlaqələrin qurulması yönündə bir sıra görüşlər baş tutacaq. Eləcə də dünya turneləri çərçivəsində oktyabrın 8-də Bakıda, Əl Oyunları Sarayında özlərinin gimnastika və akrobatika şousunu nümayiş etdirəcəklər. Yaddaqalan şou saat 19:00-da başlayacaq. Konsertdən bir neçə gün əvvəl qrup yerli media mənsubları ilə görüşəcək və onların müvafiq suallarını cavablandıracaq.

Qrup 18-28 yaş arasında 28 gənc atletdən ibarətdir. Qrup hər il tur menecerləri ilə bərabər dünya turuna çıxır və konsertləri çox böyük miqyasda təşkil olunur.

Jalə