Yeniliklərdən imtina edib 1930-cu illərə qayıtdılar - FOTOLENT

İngiltərənin Somerset şəhərindən olan 58 yaşlı Lisa Fletçer və əri 55 yaşlı Nil müasir texnologiyalardan imtina edərək 1930-cu illərin həyat tərzinə qayıtmağa qərar veriblər.

Lent.az xarici KİV-ə istinadən xəbər verir ki, cütlük yaşadıqları evlərinəki ab-havanı 30-cu illərə uyğun dəyişiblər.

Liza Fletçerin sözlərinə görə, o, həmişə 1930-cu illərin həyat tərzini yaşamaq arzusunda olub.

O, əri ilə birlikdə antik mağazalardan və internet vasitəsilə həmin dövrün avadanlıqlarını alaraq evlərini bəzəyib.

Fletçerlər 1930-cu illərə aid orijinal paltarlar geyinir, mobil telefon əvəzinə şəhər telefonundan istifadə edir, 1929-cu il istehsalı “Cekson” sobasında yemək bişirir, 1935-ci ilin “Westinghouse” soyuducusunda ərzaq məhsulları saxlayır və köhnə televizorlarda yalnız ağ-qara filmlərə baxırlar.

Həmçinin, ər-arvad praktiki olaraq bank kartlarından və onlayn ödənişlərdən istifadə etmir, nağd pula üstünlük verirlər.

Evin xanımı paltarları ənənəvi olaraq əllə yuyub qurudur. Cütlüyün uşaqları yoxdur və müasir həyata qayıtmaq planlarının olmadığını düşünürlər.

Cütlük müasir texnologiyadan imtina edərək 1930-cu illərin üslubunda yaşayır