Saralmış telefon qabını  necə təmizləmək olar? – Çox asan
24 fevral 2024 15:55 (UTC +04:00)

Saralmış telefon qabını necə təmizləmək olar? – Çox asan

Saralmış telefon qabını əvvəlki vəziyyətinə qaytarmaq o qədər də çətin deyil.

Lent.az bunun bir neçə sadə yollarını təqdim edir:

Alkoqol

96 faizlik spirti 1:1 nisbətində su ilə qarışdırın. Yaranan məhlul ilə bir pambığı isladaraq qabı silməyə çalışın.

Ammonyak və soda

Bir pasta hazırlamaq üçün soda, ammonyak və suyu qarışdırın. Sonra alınan qarışığı “kabro”ya çəkin, 20 dəqiqə gözləyin və sonra onu isti su ilə yuyun.

Diş pastası

Heç bir qatqısı olmayan adi ağ diş pastanızda sizə kömək edə bilər. Belə ki, onun üzərinə az miqdarda pasta çəkin və 15 dəqiqə gözləyin. Sonra isti su ilə yuyun.

Aston

Dırnaq lakını təmizləmək üçün istifadə olunan astonu pambığa çəkin, qabı silin və dərhal isti suya salın. Proseduru bir neçə dəfə təkrarlaya bilərsiniz.

Camaşır ağardıcısı

Ağardıcını 1:10 nisbətində su ilə qarışdırırıq. Nəticədə ortaya çıxan məhlulla pambığı nəmləndirib qabı silin. Sonda onu ilıq su ilə yaxalamaq olar.

# 7206
avatar

Sevinc Fərid

Oxşar yazılar