“Miss Japan 2024” titulunu qazanan 26 yaşlı Ukrayna əsilli Karolin Şiino evli kişi ilə münasibətə görə tituldan imtina edib.
Lent.az-ın xarici mediaya istinadən xəbərinə görə, yanvarın 31-də həftəlik “Shukan Bunshun” jurnalı Şiinonun uşaqları olan evli bir kişi ilə münasibətdə olması barədə məqalə dərc edib.
Fevralın 5-də isə “Miss Japan” müsabiqəsinin rəsmi saytında Şiinonun titulundan məhrum edilməsi tələbinin qəbul edildiyi bildirilib.
“Miss Yaponiya” Assosiasiyasının sədri Kaoru Vada münsiflərdən, sponsorlardan və yarışmanın digər iştirakçılarından üzr istəyib. O qeyd edib ki, müsabiqənin nəticələri və qalib ukraynalının davranışı ilə bağlı yaranmış bir sıra qalmaqallara görə məsuliyyəti öz üzərinə götürür. Vada onu da əlavə edib ki, 2024-cü ilin sonuna qədər heç kim "Miss Yaponiya" titulunu almayacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
