Müğənni "Qremmi" alan mahnısına görə HƏBS EDİLDİ  - VİDEO
02 mart 2024 15:40 (UTC +04:00)

Müğənni "Qremmi" alan mahnısına görə HƏBS EDİLDİ - VİDEO

İranlı müğənni Şervin Hacıpur "Baraye" adlı mahnısına görə həbs edilib.

Lentaz xarici KİV-ə istinadən xəbər verir ki, ifaçı bu mahnıya görə 3 il 8 ay müddətinə azadlıqdan məhrum olunub.

Hacıpurun özünün yazdığı mahnı 2022-ci ilin sentyabrında 22 yaşlı Məhsa Əmininin ölümündən sonra ölkədə keçirilən kütləvi etiraz aksiyalarının himninə çevrilib. Bununla yanaşı, bəstə bir çox ölkədə məşhurlaşıb və 2023-cü ildə "Qremmi" mükafatına layiq görülüb. Mükafatı 26 yaşlı gənc müğənniyə ABŞ prezidentinin xanımı Cill Bayden təqdim edib. Məhkəmə Ş.Hacıpuru “insanları iğtişaşlara təhrik etməkdə” təqsirli bilib.

Qeyd edək ki, 22 yaşlı Məhsa Əmini 2022-ci ilin sentyabrında Tehranda əxlaq polisi tərəfindən zorakılığa məruz qalıb və bir neçə saatdan sonra xəstəxanada vəfat edib. O, baş örtüyünü düzgün bağlamamaqda günahlandırılıb. Gənc qızın ölümü İranda kütləvi etiraz aksiyalarına səbəb olub.

# 3129
avatar

Fidan İlqar

Oxşar yazılar