Elza Röya ilə Faiqə SÖZ ATDI: "Konsertdən pul qazana bilmirlər" - QALMAQAL

Əməkdar artist Elza Seyidcahan qalmaqallı açıqlama verib.

Lent.az-a açıqlama verən müğənni bildirib ki, Xalq artisti Alim Qasımovdan başqa heç bir müğənni konsertdən pul qazana bilmir:

“Azərbaycanda konsertdən pulu yalnız Xalq artisti Alim Qasımov qazana bilər və qazanır da. Başqaları konsertdən pul qazana bilməz. Mən də qazana bilərəm. Konsert etmək üçün 6 ay reklamını etmək lazımdır. Amma mən bir ay qalmış dedim ki, konsert edirəm.

Müğənnilərimizin heç biri sponsor olmadan konsertlərindən pul qazana bilməzlər. Niyə? Çünki konsert üçün dekorasiya, geyimlər, musiqiçilərin pulu və zalın kirayəsinin pulu var.

Ümid edirəm ki, bizim müğənnilər də nə zamansa konsertdən pullar qazanacaq. Məsələn, mənə tələbat artıb. Bir çoxları məndən növbəti konsert gözləyir”.

Qeyd edək ki, bir neçə il öncə Xalq artisti Faiq Ağayevin Lent.az-a açqlamasında “Konsertdən real gəlir və izləyici toplaya bilən müğənnilərdən birinin mən, digərinin isə Alim Qasımovdur”, - sözləri həmkarı Röya Ayxanı özündən çıxarmışdı. Bu mövzu üstündə müğənnilər qalmaqal yaşamışdı. Röya isə konsertdən pul qazanan müğənni olduğunu demişdi.