Rusiya Federasiyası İstintaq Komitəsinin Ulyanovsk vilayəti üzrə istintaq orqanları 36 yaşlı Azərbaycan Respublikası vətəndaşına qarşı cinayət işi üzrə istintaqı yekunlaşdırıb. Azərbaycanlı Cinayət Məcəlləsinin 105-ci (Muzdluluq məqsədi ilə adam öldürmə) maddəsilə nəzərdə tutulmuş cinayəti törətməkdə ittiham olunur.
Lent.az yerli mediaya istinadla bildirir ki, 2020-ci ildə təqsirləndirilən şəxs bir nəfərdən külli miqdarda borc alıb. Borcu qaytarmaq istəmədiyi üçün 2020-ci il dekabrın 24-də axşam saatlarında əvvəlcədən metal mismar çıxaran taparaq pulu qaytarmaq adı ilə həmin şəxslə görüş təyin edib. Zərərçəkmişi Ulyanovsk şəhərinin Zasviyajski rayonunda qaraj-tikinti kooperativlərindən birinin arxasındakı boş yerə apararaq, bədəninin müxtəlif nahiyələrinə, o cümlədən başına mismar dartıcı ilə çoxsaylı zərbələr vurub. Yaralı aldığı xəsarətlərdən hadisə yerində ölüb.
İstintaq Komitəsinin müstəntiqinin təqdimatı ilə təqsirləndirilən şəxs barəsində həbs-qətimkan tədbiri seçilib.
Müstəntiq kifayət qədər sübut bazası toplayıb və buna görə də prokurorun təsdiq etdiyi ittiham aktı ilə cinayət işi mahiyyəti üzrə baxılması üçün Ulyanovsk vilayət məhkəməsinə göndərilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
