Azərbaycanlı iş adamı 9 milyarda  sanatoriya tikir
29 fevral 2024 09:27 (UTC +04:00)

Azərbaycanlı iş adamı 9 milyarda sanatoriya tikir

İnvestorlar yenidən Rusiyanın Stavropol diyarının Jeleznovodsk xüsusi iqtisadi zonasına maraq göstəriblər.

Lent.az-ın yerli mediaya istinadla məlumatına görə, bu gün məlum olub ki, azərbaycanlı sahibkar ümumi sahəsi doqquz hektar olan üç torpaq sahəsi üçün müqavilə bağlayıb. 600 otaqlı, 1200 çarpayılıq üç sanatoriyanın tikintisi nəzərdə tutulur. İnvestisiyalar təxminən doqquz milyard rubl (təxminən 165 milyon 600 min manat) təşkil edəcək.

Jeleznovodskın rəhbəri Yevgeni Bakulinin vurğuladığı kimi, Jeleznovodskda xüsusi iqtisadi zonanın populyarlığı artır, bu da kurort şəhərinin inkişafını davam etdirəcək deməkdir.

“Biz artıq Jeleznovodskda Azərbaycan sərmayələrini uğurla həyata keçirmişik və bu, CMS-də ilk beşulduzlu sanatoriyadır və gələcəkdə daha çox şey olacaq”, - deyə o, əmin edib.

Xatırladaq ki, Stavropol diyarında XII Rusiya-Azərbaycan Forumu işə başlayıb. Forum iştirakçılarını geniş biznes proqramı - işgüzar sessiya, tematik dəyirmi masalar, müqavilələrin imzalanması gözləyir.

# 2907
avatar

Mehman Nəbiyev

Oxşar yazılar