Rusiyalı tennisçi Mariya Şarapova şəxsi məşqçisi Cimmi Konnorsla yollarını ayırıb. Lent.az-ın “ESPN”ə istinadən verdiyi məlumata görə, Şarapova amerikalı mütəxəssisin rəhbərliyi altında cəmi 1 oyun keçirdikdən sonra belə qərar verib.
Dünyanın 3-cü ən güclü qadın tennisçisi avqustun 14-də Tsintsinnatidə keçirilən turnirin II dövrəsində ABŞ təmsilçisi Sloan Stivensə uduzub. Onun avqustun 26-da Nyu-Yorkda start götürəcək ABŞ-ın açıq çempionatınadək yeni məşqçi tapa biləcəyi məlum deyil.
Qeyd edək ki, Cimmi Konnors Mariya Şarapova ilə əməkdaşlığa iyulda başlayıb. Konnors bu vəzifədə Tomas Hoqstedti əvəzləyib. Şarapova “Böyük dəbilqə” seriyalı turnirlərin 8 qat qalibidir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
