“Xəzər Lənkəran” futbol klubunun transferə çıxardığı qapıçı Kamran Ağayev bu yaxınlarda üzləşdiyi avtomobil qəzası barədə danışıb. Lent.az-ın məlumatına görə, 2012-ci ildə yığmamızın ən yaxşı qapıçısı seçilmiş Ağayev qəzadan yaxşı qurtulduğunu bildirib.
“Bir qədər qabırğalarımda əziklər var. Başqa əzilən yerim yoxdur” deyən təcrübəli qolkiper qəzada günahkar olmadığını deyib: “Maşınımı işıqforun qırmızı işığında vurdular. Özüm yol hərəkət qaydalarını çox pozuram. Amma bu dəfə qayda pozuntusu mənlik deyildi”.