2012-ci ildə futbol üzrə Azərbaycan milli komandasının ən yaxşı oyunçusunun adı açıqlanıb. Lent.az-ın məlumatına görə, bu, “Xəzər Lənkəran” klubunun və yığmamızın müdafiəçisi Ruslan Abışovdur.
Abışov il ərzində millimizin heyətində uğurlu çıxışı ilə əlaqədar fərqləndirilib. O, həm də komandamızın heyətində ən çox oyun keçirən futbolçulardan olub. Bu futbolçu il ərzində 9 oyunda 731 dəqiqə meydanda olub. 25 yaşlı oyunçuya mükafatı millimizin baş məşqçisi Berti Foqts təqdim edib.
Digər qaliblərə gəldikdə, Aytac Şərifova 17 yaşadək qızlardan ibarət millimizin, Vitali Borisov futzal, Zeynal Zeynalov çimərlik futbolu üzrə yığmalarımızın ən yaxşı futbolçusu seçiliblər. Kamran Ağayev isə millimizin ən yaxşı qapıçısı sayılıb.