Futbol üzrə Topaz Premyer Liqasının XVIII turu Ağdamın “Qarabağ” klubu üçün əlamətdar olub. Lent.az-ın Peşəkar Futbol Liqasının rəsmi saytına istinadən verdiyi məlumata görə, ölkə çempionatının bütün mövsümlərində güclülər dəstəsində çıxış edən komanda “Xəzər Lənkəran”ı 1:0 hesabı ilə məğlub edib.
Bununla da “Qarabağ” tarixi qələbə əldə edib. Bu matçadək 574 oyun keçirən komanda 139 dəfə uduzub, 136 dəfə heç-heçə etməklə 299 qələbə qazanmışdı. Lənkəranlılar üzərindəki qələbə isə sayca 300-cü olub. Texniki nəticələri top fərqində nəzərə almasaq, 819 top vuran komanda bu müddətdə 492 top buraxıb. Texniki qələbələrin sayı isə 15-ə bərabərdir.
Qeyd edək ki, “Qarabağ”a qədər yalnız “Neftçi” 300 qələbə səddini arxada qoymağı bacarıb və qələbə satında Ağdam təmsilçisini qabaqlayır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
