Zaqatalanın “Simurq” futbol klubu baş məşqçi Georgi Çixradze ilə müqavilə müddətini uzadıb. Lent.az-ın klubun rəsmi saytına istinadən verdiyi məlumata görə, gürcüstanlı mütəxəssislə daha 2 illik anlaşma əldə edilib.
Çixradze 2011/12-ci il mövsümünün XXIV turunda rəsmən "Simurq"un sükanı arxasına keçib. Onun rəhbərliyi altında komanda ötən mövsüm tarixində ikinci ən yaxşı nəticəni göstərib. Bu, 4-cü pillə olub. Çixradze Zaqatala təmsilçisini Premyer Liqada 43, ölkə kubokunda isə 3 qarşılaşmaya çıxarıb, çempionatda 16 oyundan qələbə, 9 məğlubiyyət, 18 heç-heçə ilə ayrılıb. Ölkə kubokunda isə, 1 qələbə, 1 heç-heçə, 1 məğlubiyyət qeydə alınıb.
Qeyd edək ki, bu mövsüm “Simurq” 2 oyundan 4 xalla 4-cü pillədə qərarlaşıb. Zaqatala komandası növbəti turda – avqustun 17-də “Neftçi”nin qonağı olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
