Bekhem hamının qarşısında xanımını soyundurdu

İtaliyanın “Milan” klubunun və İngiltərə milli komandasının futbolçusu Devid Bekhem həyat yoldaşı Viktoriya Bekhemlə birgə “Emporio Armani” firmasının yeni alt paltarı kolleksiyasının təqdimatında iştirak edib. Lent.az-ın məlumatına görə, reklam çəkilişləri zamanı məşhur cütlük yarıçılpaq vəziyyətdə fotokameralar önündə poza veriblər.

Bu haqda “The Sun”a açıqlama verən Viktoriya Bekhem çəkilişlərin gedişi ilə bağlı ətraflı danışmaqdan çəkinməyib: “Çəkilişlərə lap az qalmış biz Devidlə xalatda idik. Bir-birimizə baxa-baxa düşünürdük: “Kim xalatını birinci çıxaracaq”. Naməlum insanlarla dolu studiyada kamera qarşısında yarıçılpaq vəziyyətdə durmaq bir qədər qorxunc və xoşagəlməzdir. Amma biz bir-birimizə kömək etdik. Ümumiyyətlə, Devid həmişə məni dəstəkləyir”.

Viktoriya çəkilişlərə hazırlığın gedişi barədə də danışıb: “Bu reklamadək mən idmanla məşğul olmurdum. Lakin fotoşəkildə yaxşı görünmək istəyirdim. Ona görə də öz üzərimdə çalışdım. Hər gün 6-7 kilometr qaçır, sağlam yeməklərlə qidalanmağa çalışırdım. Modelyer işləmək xoşuma gəlir. Səhərlər uşaqları məktəbə göndərdikdən sonra qaçıram və onları geri qaytaranadək çəkilişlərdə oluram. Alt paltarında çəkilməyə razılıq verirsənsə, yaxşı görünmək üçün öz üzərində həddən artıq işləməlisən. Fikrimcə, 3 uşaq anası olan 35 yaşlı qadın kimi mən yaxşı görünürəm”.