Ağdam rayonunda faciəvi hadisə baş verib. Rayon Polis İdarəsindən Lent.az-a verilən məlumata görə, Dördyol qəsəbəsi ev 507 ünvanında televizor partlayıb. Nəticədə evdə yanğın başlayıb, orada tək yaşayan 1933-cü il təvəllüdlü Babayev Bəhmən Rza oğlu isə müxtəlif dərəcəli bədən xəsarətləri alıb. Əl və bel nahiyəsindən 1-ci dərəcəli yanıq xəsarətləri alan 80 yaşlı kişi Bərdə rayon təcili və Təxirəsalınmaz Tibbi Yardım Stansiyasına çatdırılıb. Həkimlərin səyinə baxmayaraq 80 yaşlı B.Babayevin həyatını xilas etmək mümkün olmayıb.
Faktla əlaqədar araşdırmalar aparılır. B.Babayevin televizorun partlaması nəticəsində yaranmış zərbənin təsiri ilə aldığı xəsarətlərdən öldüyü bildirilir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
