"Nazirlikdə şöbə müdiri olmaq üçün 20 min verdim" - Şahidlər Səlim Müslümovun üzünə durdu
28 noyabr 2022 18:05 (UTC +04:00)

"Nazirlikdə şöbə müdiri olmaq üçün 20 min verdim" - Şahidlər Səlim Müslümovun üzünə durdu

Bakı Ağır Cinayətlər Məhkəməsində sabiq əmək və əhalinin sosial müdafiəsi naziri Səlim Müslümovun cinayət işi üzrə məhkəmə prosesi davam etdirilib.

Lent.az APA-ya istinadən xəbər verir ki, bu gün hakim Faiq Qəniyevin sədrliyi ilə keçirilən iclasda daha bir neçə şahid dindirilib. 

Şahid qismində dindirilən Fikrət Qurbanovun 44 ildir Gəncə şəhərində aptek müdiri olduğu bildirilib. O, istintaqda verdiyi ifadəsində deyib ki, Səlim Müslümovun dövründə Gəncə şəhəri Əlillərin Bərpa Mərkəzi ilə 5800 manatlıq müqavilə bağlayıb. Müqaviləyə əsasən, müəyyən dərmanların satışı həyata keçirilsə də, 5800 manatın 1400 manatı "otkat" kimi qaytarılıb.

Şahid məhkəmədə həmin ifadəsini təsdiq etməyib. Məhkəmə heyəti növbəti proseslərdən birində onun yenidən didiriləcəyini elan edib.

Digər şahid Rövşən Xəlilovun isə Gəncə və Mingəçevir şəhərlərində müharibə iştirakçıları və şəhid ailəsi üzvləri üçün evlərin alınmasında iştirak etdiyi qeyd edilib. Şahidin dediyinə görə, alqı-satqı işləri zamanı toplanmış pulları şəxsən Əmək və Əhalinin Sosial Müdafiəsi Nazirliyinin Tikilməkdə olan Obyektlərə Nəzarət İdarəsinin rəisi Natiq Əzizova şəxsən verib.

Şahid Ramil Salmanov isə əvvəllər DSMF-nin Salyan rayon şöbəsində məsləhətçi kimi işləyib. Şahidin sözlərinə görə, sonradan 20 min manat verərək DSMF-nin Neftçala rayon şöbəsinə müdir təyin olunub.

Digər şahid Səfayət Şıxalıyevin şirkət rəhbəri olduğu bildirilib. Onun şirkəti ilk olaraq şəhid ailəsi üzvləri və müharibə iştirakçıları üçün 24 ev tikib. Bildirilib ki, evlərin tikintisinə görə nazirlik rəsmisi Natiq Əzizova 63 min manat verilib.

Salyan və Neftçala rayonlarında tikilmiş 28 evə görə isə Natiq Əzizova 84 min manat çatdırılıb.

Proses dekabrın 5-də davam etdiriləcək.

Xatırladaq ki, Səlim Müslümov 2021-ci ildə Dövlət Təhlükəsizliyi Xidməti (DTX) tərəfindən həbs olunub.

Cinayət Məcəlləsinin 179.4 ( xüsusilə külli miqdarda ziyan vurmaqla mənimsəmə və israf etmə), 308.2 (ağır nəticələrə səbəb olan vəzifə səlahiyyətlərindən sui-istifadə), 311.3.2-ci və 311.3.3-cü (təkrar külli miqdarda rüşvət alma) maddələri ilə ittiham olunan sabiq nazir 13 ay həbsdə qaldıqdan sonra səhhətində yaranan problemlə bağlı ev dustaqlığına buraxılıb.

Səlim Müslümov cinayət işi üzrə dövlətə dəymiş 27 milyon manatın 20 milyonunu ödəyib. Onun 8 milyon manatlıq əmlakı üzərinə həbs qoyulub.

# 1854
avatar

Oxşar yazılar

Dəvə qəzaya səbəb oldu:  14 nəfər öldü

Dəvə qəzaya səbəb oldu: 14 nəfər öldü

6 fevral 2023 , 00:58
Xətai prospektində QƏZA:  Piyada öldü,   sürücü qaçdı-YENİLƏNİB

Xətai prospektində QƏZA: Piyada öldü, sürücü qaçdı-YENİLƏNİB

6 fevral 2023 , 00:48
Motosikletlə toqquşan taksi binaya girdi-FOTO

Motosikletlə toqquşan taksi binaya girdi-FOTO

6 fevral 2023 , 00:03
Müğənni Zeynəb Dostəliyeva vəfat etdi

Müğənni Zeynəb Dostəliyeva vəfat etdi

5 fevral 2023 , 23:15
Pensiyası kəsildi, <span class="red_color" > benzin içib   özünü yandırdı

Pensiyası kəsildi, benzin içib özünü yandırdı

5 fevral 2023 , 23:07
Sərxoş şəxlər toyda bıçaqlandı, birinin...

Sərxoş şəxlər toyda bıçaqlandı, birinin...

5 fevral 2023 , 22:25
Bakıdan İstanbula uçan təyyarə Ankaraya endi

Bakıdan İstanbula uçan təyyarə Ankaraya endi

5 fevral 2023 , 21:41
Azərbaycan şairinin İrandakı məzarına qarşı VANDALİZM AKTI -FOTO

Azərbaycan şairinin İrandakı məzarına qarşı VANDALİZM AKTI-FOTO

5 fevral 2023 , 21:00