Sosial şəbəkələrdə Sumqayıt şəhərində bir motosiklet sürücünün idarə etdiyi nəqliyyat vasitəsi ilə dövlət qeydiyyat nişanları olmadan təhlükəli manevrlər edərək yol hərəkəti qaydalarını kobud şəkildə pozduğuna dair görüntülər yayılıb.
Daxili İşlər Nazirliyi mətbuat xidmətinin əməkdaşı, polis leytenantı Elbrus İbrahimov Lent.az-a bildirib ki, həmin görüntülər polis əməkdaşları tərəfindən araşdırılıb.
Sumqayıt Şəhər Polis İdarəsi Dövlət Yol Polisi Şöbəsinin əməkdaşları tərəfindən həyata keçirilən tədbirlərlə motoxuliqanlıq edərək digər hərəkət iştirakçılarına qəza şəraiti yaradan sürücü Abbasov Kamil Kamal oğlu müəyyən edilərək saxlanılıb.
Onun barəsində inzibati protokol tərtib olunub və məhkəmənin qərarı ilə sürücü K.Abbasov 15 sutka inzibati qaydada həbs edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
