Bakıda ər arvadını QƏTLƏ YETİRDİ  - FOTO  - YENİLƏNİB
04 yanvar 2022 17:01 (UTC +04:00)

Bakıda ər arvadını QƏTLƏ YETİRDİFOTO - YENİLƏNİB

Yanvarın 4-ü saat 15 radələrində 1991-ci il təvəllüdlü Həmidə Həsənovanın yaşadığı evdə öldürülməsi barədə rayon prokurorluğuna məlumat daxil olub.

Xətai rayon prokurorluğundan Lent.az-a verilən məlumata görə, aparılmış araşdırmalarla zərərçəkmişin əri 1987-ci il təvəllüdlü Orxan Alıyevin şəxsi münasibətlər zəminində aralarında yaranmış mübahisə zamanı Həmidə Həsənovaya balta və bıçaqla çoxsaylı xəsarətlər yetirərək onu qəsdən öldürməsinə əsaslı şübhələr müəyyən edilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Orxan Alıyev şübhəli şəxs qismində tutularaq istintaqa cəlb olunub. Hazırda iş üzrə zəruri istintaq tədbirləri davam etdirilir.

***

16.50

Bakıda ər arvadını qətlə yetirib.

Lent.az APA-ya istinadən xəbər verir ki, hadisə Əhmədli qəsəbəsi, General Əliağa Şıxlınski 29/42 ünvanında baş verib.

Hadisə yerinə təcili tibbi yardım briqadası və polis əməkdaşları cəlb olunub.

Faktla bağlı araşdırma aparılır.

# 6573
avatar

Oxşar yazılar