Ana və qızını öldürən sürücüyə 5 il həbs cəzası verildi
18 sentyabr 2009 13:15 (UTC +04:00)

Ana və qızını öldürən sürücüyə 5 il həbs cəzası verildi

Sentyabrın 18-də Ağır Cinayətlərə Dair İşlər üzrə məhkəmədə yol qəzasında iki nəfərin ölümünə səbəb olan Bakı şəhər sakini Natiq Əliyevə hökm oxunub.

Lent.az-ın məlumatına görə, hakim Fikrət Qəribovun sədrliyi ilə keçirilən məhkəmə prosesində prokuror təqsirləndirilən N.Əliyevin Cinayət Məcəlləsinin 263.3 (yol hərəkəti və nəqliyyat vasitələrinin istismarı qaydalarını pozma) maddəsi ilə ittiham olunaraq 3 il müddətinə sürücülük hüququndan və 7 il müddətinə azadlıqdan məhrumetmə cəzasını almasını istəyib.

Sonra hökm oxunub. Hökmə əsasən, N. Əliyev 2 il müddətinə sürücülük hüququndan və 5 il müddətinə cəzasını məntəqə tipli cəzaçəkmə müəssisəsində çəkməklə azadlıqdan məhrum edilib.

Qeyd edək ki, N. Əliyev 2009-cu ilin aprelin 9-da Bakı Şamaxı yolunun 22-ci kilometrliyində idarə etdiyi “Volvo” markalı minik maşını ilə yolu keçən piyadalar- Samirə Quliyeva və onun uşaqları Ləman və İmran Ələsgərlini vurub. Hadisə nəticəsində S.Quliyeva və L.Ələsgərli ölüb, İ.Ələsgərli isə yüngül bədən xəsarəti alıb.

Fərid Əkbərov
# 415

Oxşar yazılar