Hüseyn Arabul Şəmkirdən Bakıya gətirilib

İyunun 3-də qanunsuz olaraq, ölkəni tərk etdiyinə görə Dövlət Sərhəd Xidmətinin əməkdaşları tərəfindən saxlanılan “Barmek-Azərbaycan” şirkətinin prezidenti Hüseyn Arabul hazırda Bakıda – Dövlət Sərhəd Xidmətində saxlanılır.

Lent.az-ın məlumatına görə, türkiyəli iş adamının vəkili Abbas Atakişi “Azadlıq” radiosuna açıqlamasında belə deyib. Onun sözlərinə görə, hazırda Hüseyn Arabula barədə cinayət işinin başlanıb-başlanmaması məsələsi müzakirə olunur. Hüseyn Arabulla bağlı hüquq-mühafizə orqanlarının hansı qərarı qəbul edəcəyinin bu gün aydınlaşacağı gözlənilir.

Xatırladaq ki, Hüseyn Arabul iyunun 3-də gecə saatlarında Azərbaycandan Gürcüstana keçmək istəyərkən Onu Gürcüstanla sərhəddə Alazan çayının kənarında Şəmkir Sərhəd Dəstəsinin sərhədçiləri saxlayıblar.

Bu barədə ilk məlumatı Lent.az yayıb.

Elxan SALAHOV