Kirayənişin ev sahibini öldürdü

Sulutəpədə baş verən hadisəyə kirayə haqqının səbəb olduğu bildirilir

Bakının Binəqədi rayonunda qətl hadisəsi baş verib.

Binəqədi Rayon Polis İdarəsindən Lent.az-a verilən məlumata görə, mayın 25-dən 26-na keçən gecə Sulutəpə qəsəbəsində kirayədə yaşayan Beyləqan rayon sakini, 1977-ci il təvəllüdlü Əlizamin Pənah oğlu Həsənov ev sahibi, 1948-ci il təvəllüdlü Ağakişi Soltan oğlu İbrahimovu bıçaqlayaraq qətlə yetirib.

İdarədən onların pul üstündə mübahisə etdiklərini deyiblər.

Hadisəni törədən şəxs polis əməkdaşları tərəfindən saxlanılaraq istintaqa təhvil verilib.
Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, araşdırma aparılır.

Şəhriyar Əlizadə