Hərbi hissəni silahlı tərk edən əsgər saxlanıldı - YENİLƏNİB

Azərbaycan Ordusunun xidməti silahını götürərək hərbi hissəni tərk etmiş əsgəri saxlanılıb.

APA-nın Qarabağ bürosunun məlumatına görə, Müdafiə Nazirliyinin Ağdamda rayonundakı "N" saylı hərbi hissəsini özbaşına tərk edən əsgər Abdulov Məhəmmədəli Elşən oğlu Ağcəbədi rayonun Arazbarı kəndi istiqamətində saxlanılıb. Onu polis və hərbiçilərdən ibarət operativ əməliyyat qrupu saxlayıb.

Qeyd edək ki, əsgər 1 ədəd avtomat və 4 ədəd avtomat darağını götürərək, hərbi hissəni tərk etmişdi.

***
10.50
Azərbaycan Ordusunun əsgəri xidməti silahını götürərək hərbi hissəni tərk edib. Bu barədə APA-ya Ağdam Rayon Polis Şöbəsindən məlumat verilib.

Hadisə Müdafiə Nazirliyinin Ağdamda rayonundakı "N" saylı hərbi hissədə qeydə alınıb.

Əsgər Abdulov Məhəmmədəli Elşən oğlu 1 ədəd avtomat və 4 ədəd avtomat darağını götürərək hərbi hissəni tərk edib. Hadisədən dərhal sonra əməliyyat qrupu yaradılıb, respublikanın bütün rayonlarının polis şöbələrinə məlumat verilib.

Ağdamda və daha bir neçə rayonda postlar qurulub. Hazırda onun tapılması istiqamətində əməliyyat-axtarış tədbirləri davam etdirilir.

Qeyd edək ki, M. Abdulov Oğuz rayonundan həqiqi hərbi xidmətə çağırılıb.