Sabiq prezident həbs edildi

Bu gün Pakistanın sabiq prezidenti Pərviz Müşərrəf həbs edilib. Lent.az-ın İTAR-TASS agentliyinə istinadən verdiyi məlumata görə, Pərviz Müşərrəfin məhkəmə zalına polis müşayiəti ilə gətirilməsi Pakistan telekanalları ilə yayımlanıb.

Qeyd edək ki, Pərviz Müşərrəf dünən İslamabadda məhkəməyə çağırılıb. Məhkəmə Pərviz Müşərrəfi dövlət çevrilişində və prezidentliyi dönəmində Ali Məhkəməni qanunsuz buraxmaqda təqsirli sayaraq həbsi barədə order verib. Ancaq Pərviz Müşərrəf dünən mühafizəçilərinin köməyi ilə məhkəmə zalından qaçmağı bacarmış və şəhər ətrafındakı iqamətgahında gizlənmişdi.