Poroşenkonun andiçməsinə ABŞ prezidentinin müavini gedəcək

İyunun 7-də Ukraynanın yeni prezidenti Pyotr Poroşenkonun andiçmə mərasimi keçiriləcək.

Lent.az-ın “RİA Novosti”-yə istinadən məlumatına görə, ABŞ bu tədbirdə prezidentin müavini Co Baydenin başçılıq etdiyi nümayəndə heyəti ilə təmsil olunacaq.

Ağ evdən bildirilib ki, C.Bayden Ukraynanın siyasi liderləri görüşdə ölkənin şərqindəki vəziyyəti, ABŞ-ın Ukraynada korrupsiyaya qarşı mübarizəyə, demokratik institutların möhkəmlənməsinə və ölkə iqtisadiyyatının davamlı inkişaf yoluna qayıtmasına yardım edəcəyini müzakirə edəcək.

Bir müddət öncə iyunun 4-də P.Poroşenkonun ABŞ prezidenti Barak Obama ilə görüşəcəyi haqda xəbərlər yayılıb.