Cenevrədə ayrıca ABŞ - İran görüşü olacaq

İyunun 9 -10-da Cenevrədə ABŞ –la İran hakimiyyəti təmsilçiləri “altılıq”-ın (ABŞ, Almaniya, Britaniya, Fransa, Çin, Rusiya) növbəti danışıqlarından öncə görüşəcək.

Lent.az-ın “BBC”-yə istinadən məlumatına görə, ABŞ-ın bu görüşdə dövlət katibinin siyasi məsələlər üzrə müavini Uliyam Bernsin başçılıq etdiyi nümayəndə heyəti təmsil edəcək. Görüşə dövlət katibinin müavini Uendi Şerman da qatılacaq.

Xatırladaq ki, iyunda İranın atom-nüvə proqramı ilə bağlı “altılıq”la Tehran arasında danışıqların növbəti mərhələsi keçiriləcək.