Məhkum pul qarşılığında qadın gözətçi ilə cinsi əlaqədə oldu

Böyük Britaniyada həbsxanada işləyən polis məhbuslardan biri ilə intim münasibətdə olduğu üçün 21 ay həbs cəzası alıb,.

Lent.az xəbər verir ki, bu barədə “Daily Mail” məlumat yayıb.

Məlumata əsasən, 26 yaşlı Katie Evans 2020-ci ilin mart-noyabr ayları arasında oğurluq edən məhkum Daniel Braunli ilə münasibətdə olub. Bu müddət ərzində qadın gözətçi cinayətkara 140-a yaxın telefon zəngi edib. Bu söhbətlərin bəziləri təxminən bir saat davam edib. Danışıqlar zamanı Evans kişidən ona kraliça deməsini xahiş edib.

Qadın və Braunli arasındakı qadağan olunmuş əlaqəni gözətçi keçmiş həmkarı ilə bölüşüb. O, məhkuma həbsxana haqqında məxfi məlumat verdiyini və hətta onun maliyyəsini idarə etdiyini də etiraf edib. Evans deyib ki, o, Braunlinin narkotik vasitə satışından əldə etdiyi min funt sterlinqi alıb.

Hakim Evansın “təcrübəsizliyi və yetişməməsi” səbəbindən manipulyasiya qurbanı olduğunu qeyd edib, lakin bunun bəhanə olmadığını vurğulayıb. O, qadının azyaşlı qızı olduğunu nəzərə alaraq cəzasını 2 ildən 21 aya dəyişdirib.