Ümumdünya Səhiyyə Təşkilatı (ÜST) dünyada 37 “Meymun çiçəyi”nə yoluxma hadisəsinin olduğunu açıqlayıb.
Lent.az xarici KİV-ə istinadən xəbər verir ki, ÜST-ün sözçüsü Tarik Yazareviç bildirib ki, təmsil etdiyi təşkilat “Meymun çiçəyi”nə yoluxma hadisəsindən xəbərdardır, ehtimal edilən daha 71 hadisə araşdırılır.
O, ölkələri bununla bağlı müvafiq prosedurlara əməl etməyə çağırıb.
Tarik Yazareviç əlavə edib ki, bir qayda olaraq, sözügedən xəstəliyinin simptomları bir neçə həftə ərzində yox olur, lakin bəzi hallarda onlar tibbi fəsadlara və hətta ölümə səbəb ola bilər.
