Ailənin bütün kişiləri azyaşlı qızlarını zorlayıb

ABŞ-da günün olayı mühafizəkarlığı ilə seçilən Missuri ştatında bir ailənin 5 kişi üzvünün uzun illərdir ki, ailədəki azyaşlı qızlara təcavüz etmələrinin üzə çıxması olub.

Lent.az-ın Amerika mətbuatına istinadən verdiyi məlumata görə, həmin 5 nəfər - Burrell Edward Mohler Sr, Burrell Edward Mohler Jr, Jared Leroy Mohler, Roland Neil Mohler və David A Mohler tutulub.

Bu ailənin kişi üzvləri meşəlikdəki evlərində azyaşlı qızlara təcavüz etdikdən sonra onlara kiçik bir məktub yazdıraraq yerə basdırırlarmış. Guya yerə basdırılan bu məktub onların pis anlarını unutdururmuş. Gənc bir qadının müraciətindən sonra polis olayı araşdırıb.

O da məlum olub ki, bu evdə 5 nəfər öz qızlarını gəlin kimi geyindirib, sonra özləri, yaxud əmiləri ilə guya evləndirirlərmiş. Daha sonra ata, yaxud əmi azyaşlı qızı zorlayırmış. Polisə müraciət edən qadın da bu ailənin üzvü olub. O, 5 yaşından cinsi təcavüzə məruz qaldığını, 11 yaşında hamilə olduğunu və uşağı saldığını söyləyib.