Bu kəndə kişilər girə bilmir...

Keniyada döyülən və zorlanan qadınlar üçün ayrıca kənd salındı
Keniyada ərləri tərəfindən döyülən, hərbçilərin təcavüzünə uğrayan qadınlar çıxış yolunu yalnız qadınların yaşadığı bir kənd salmaqda görüblər və bu ideyanı da həyata keçiriblər.

Lent.az-ın Türkiyənin “Hürriyet” qəzetinə istinadən yaydığı məlumata görə, Afrikanın bu ölkəsində incidilmiş qadınlar özləri üçün saldıqları “Umoja” adlanan kənddə yaşamağa başlayıblar.

Belə bir kəndin salınması ideyasının müəllifi Naqusi Lokemu adlı bir qadındır. Naqusi Lokemi özü 1990-cı illərdə BMT sülhməramlı missiyasında xidmət edən üç ingilis əsgərinin təcavüzünə məruz qalıb. Günahı olmadığını düşünən qadın məsələni ərinə bildirib, əri isə onu döyüb.

Umoja kəndini Naqusi Lokemi özü kimi təcavüzə uğramış 13 qadınla birlikdə qurmağa başlayıb. Bu kənd paytaxt Nairobinin 350 kilometrliyində, boş bir ərazidə yerləşir.

Umoja kəndininin tikintisinə bu gün Avropa Birliyi, Afrika Təbii Yaşamı Qoruma Dərnəyi və digər qurumlar maddi dəstək verirlər.

Kənddə qadınlar inək saxlayır, süd və süd məhsulları satırlar. Kəndə kişilərin daxil olması qadağandır. Cinsi ehtiyaclarını necə təmin etmələri ilə bağlı suallara isə “kişilərin canı cəhənnəmə” cavabını verirlər.