Obama İstanbulda namaz qıldı

ABŞ prezidentinin qardaşı Barak Oabamanın daxilən müsəlman olduğunu söylədi

ABŞ prezidenti Barak Hüseyn Obamanın kiçik qardaşı George Obama İstanbuldakı Sultan Əhməd Camesində namaz qılıb.
Lent.az-ın məlumatına görə, Türkiyə firmalarından birinin təmsilçiliyini alan G.Obama “Haberturk”ə şok açıqlamalar verib. O, namazda bütün müsəlman dünyası üçün dua etdiyini deyib, ailəsinin müsəlman əsilli olduğunu vurğulayıb: “4 yaşlı qızımın adı da Fatimədir”.
G.Obama “Barak Obama müsəlmandırmı?” – sualına “hazırda elə vəziyyətdədir ki, bəlkə də fərqli hərəkət edir, amma Barak Obamanın daxili müsəlmandır”, - şəklində cavab verib.
Qardaşından uzun illərdir, ayrı yaşadığını xatırladan G.Obama sabah Türkiyədən ayrılacağını deyib. O, avtomobil yağı istehsal edən “NNT” şirkətinin təmsilçiliyini alıb: “Türk mallarını Afrikada tanıtmaq, yaymaq istəyirəm. Barak Obamaya da nümunə göndərəcəyəm”.
Qeyd edək ki, G.Obama hazırda Keniyada yaşayır.