Yaz Donları 2025: Podiumların 5 trendi

Hələ də şərf və paltoya bürünsək də, moda evləri artıq yaz kolleksiyalarını təqdim edib. Bu isə o deməkdir ki, stil planlarımızı qurmağın vaxtıdır. Milano və Parisdəki əsas moda nümayişlərini araşdıraraq, 2025-ci ilin yaz mövsümündə diqqət mərkəzində olacaq 5 əsas trendi seçdik.

Lent.az bu ilin 5 trend yaz donunu təqdim edir:

1. Dəbdəbəli drapirovkalı donlar

Drapirovkalı donlar təkcə gözəllik deyil, həm də hərəkətdir. İncə dalğalar və axıcı qatlardan ibarət parçalar silueti daha zərif və dinamik göstərir. Çiyindən belə, sonra isə aşağı doğru axan qatlardan ibarət dizaynlar podiumlarda füsunkar görünürdü. Zərif və romantik görünüş sevənlər üçün mükəmməldir.

2. Mini-Trapesiya Donlar

60-cı illərin stilinə geri dönüş – mini uzunluqda A-kəsimli donların populyarlığını artırır. Cavan və oynaq görünüş yaradır. Parlaq rənglər və həndəsi naxışlar retro estetikasını vurğulayır. Yaz gəzintiləri üçün ideal seçimdir. Daha modern görüntü üçün platforma ayaqqabılar və iri eynəklərlə uyğunlaşdırın.

3. İpək və dantelli Beliye-Stil donlar

Nazik askılar, atlas parçalar və incə dantellər – zərif və seksual görünüşün simvoludur. Beliye tərzində olan bu donlar həm gündəlik, həm də axşam kombinləri üçün idealdır. Onları iri kəsimli jaketlər və kobud botinlərlə kombin edərək kontrastlı və trendi görünüş yarada bilərsiniz.

4. New Look tərzi donlar

50-ci illərin ilham verdiyi klassik siluet yenidən dəbdədir. Beli vurğulayan kəsim və geniş ətəklər qadınsılığı ön plana çıxarır.

Modern versiyalarda daha yüngül parçalar və minimal detallar istifadə olunur. Romantik və zərif görünüş sevənlər üçün əla seçimdir.

5. Şifon donlar – Hava kimi yüngül və zərif

Şifon parçanın şəffaflığı və yüngüllüyü onu yaz üçün ideal edir. Çoxqatlı dizaynlar, rüşlər və floral printlər ilə donlar daha zərif və romantik görünür. Yazın incə ruhunu vurğulayan bu donlar istənilən gündəlik və şıq kombin üçün uyğundur.