Hava soyuyacaq, qar yağacaq

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, cənub küləyi axşam şimal-qərb küləyinə keçəcək.

Gündüz 8-11, axşam 4-6 dərəcə isti olacaq.

Yanvarın 15-də havanın buludlu olacağı, arabir açılacağı gözlənilir. Gecə və səhər bəzi yerlərdə duman, çiskin qeydə alınacaq. Şimal küləyi əsəcək, gündüz cənub-qərb küləyinə keçəcək. Havanın temperaturu gecə 4-6 dərəcə, gündüz 8-11 dərəcə isti olacaq.

Yanvarın 16-da buludlu hava şəraiti üstünlük təşkil edəcək. Yanvarın 15-dən 16-na keçən gecə bəzi yerlərdə zəif duman, çiskin olacağı, gün ərzində əsasən yağmursuz keçəcəyi gözlənilir. Lakin axşam havanın yağıntılı olacağı ehtimalı var. Şimal-qərb küləyi əsəcək, günün ikinci yarısında, axşam bəzi yerlərdə güclənəcək. Havanın temperaturu gecə 3-5 dərəcə, gündüz 5-7 dərəcə isti olacaq.

Yanvarın 17-də havanın buludlu, arabir yağıntılı olacağı gözlənilir. Şimal-qərb küləyi əsəcək, arabir yarımadanın bəzi yerlərində güclənəcək. Gecə 1-3, gündüz 3-5 dərəcə isti proqnozlaşdırılır.

Azərbaycanın rayonlarında yanvarın 15-də gecə və səhər bəzi yerlərdə duman, çiskin olacaq, gündüz əsasən yağmursuz keçəcək, cənub-qərb küləyi əsəcək, bəzi yerlərdə arabir güclənəcək. Havanın temperaturu gecə 3-6 dərəcə, gündüz 8-12 dərəcə, dağlarda gecə 3 dərəcə şaxtadan 2 dərəcəyədək isti, gündüz 4-7 dərəcə isti olacaq.

Yanvarın 16-da gecə və səhər bəzi yerlərdə havanın dumanlı, çiskinli, az yağıntılı olacağı, yanvarın 17-də isə əksər rayonlarda yağıntılı olacağı, dağlıq və dağətəyi rayonlarda sulu qar, qar yağacağı gözlənilir. Bəzi şərq rayonlarında yağıntıların intensiv olacağı ehtimalı var. Şimal küləyi əsəcək, arabir ayrı-ayrı yerlərdə güclənəcək. Yanvarın 16-da gecə 1 dərəcə şaxtadan 4 dərəcəyədək isti, gündüz 8-10 dərəcə isti, yanvarın 17-də gündüz 4-7 dərəcə isti, yanvarın 16-da dağlarda gecə 0-5 dərəcə şaxta, gündüz 2-5 dərəcə isti, yanvarın 17-də dağlarda gündüz 0-3 dərəcə şaxta olacaq.

Tibbi-meteoroloji proqnoza əsasən, yaxın iki gündə Abşeron yarımadasında meteoroloji amillərin zəif və mülayim tərəddüdləri meteohəssas insanlar üçün əlverişli olsa da, tutqun və rütubətli hava bəzi meteohəssas insanlarda nisbətən narahatlıq hissi yarada bilər.