Türkiyənin İzmir şəhərinin hava limanında cinsiyyət orqanlarında 9 kq-dan çox qızıl keçirməyə cəhd edən 6 özbəkistanlı qadın saxlanılıb. Qızılları çıxarmaq üçün cərrahi müdaxilə tələb olunub.
Lent.az xarici mediaya istinadən xəbər verir ki, qadınlar Türkiyəyə Birləşmiş Ərəb Əmirliklərindən gəlib və oktyabrın 2-də onları qarşılayan kişi ilə birlikdə hava limanından çıxarkən saxlanılıblar.
Axtarış zamanı onlardan çəkisi 110 qram olan 82 ədəd qızıl külçə, oyun konsolları və smartfonlar aşkar edilib. Əlavə yoxlamalardan sonra məhbusların cinsiyyət orqanlarında eyni çəkidə daha 84 külçənin gizlədilməsi məlum olub. Məhkəmənin qərarı ilə cərrahi müdaxilə edilib, qadınların cinsi orqanlarından ümumilikdə 9 kq 240 qram qızıl çıxarılıb.
Müsadirə edilən qızılın ümumi dəyərinin 1,5 milyon dollar olduğu bildirilir. Bütün qaçaqmalçılar, o cümlədən kişi həbs edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
