Pentaqon uçan naməlum obyektin VİDEOSUNU yaydı

Pentaqon 2022-ci ildə Yaxın Şərqdə müharibə zonası ilə bağlı çəkilmiş bu yaxınlarda məxfiliyi silinmiş videonu yayımlayıb. Belə ki, videoda sferik obyektin sürətli uçuşu qeydə alınıb.

Lent.az xarici KİV-ə istinadla bildirir ki, bəziləri onu uçan naməlum obyektlə səhv salsa da, ABŞ rəsmiləri bu obyektin yerdən kənar mənşəli olduğuna dair heç bir dəlil tapmayıb.

Bu barədə aprelin 19-da ABŞ Senatında keçirilən dinləmələr zamanı Pentaqonun Anomaliyaların Təhqiqat İdarəsinin (AARO) direktoru Şon Kirkpatrik məlumat verib.

Kirkpatrik aydınlaşdırıb ki, ABŞ rəsmilərinin fikrincə, məlum fizika qanunlarını pozan yerdənkənar fəaliyyət və ya yerdənkənar texnologiya ilə bağlı heç bir etibarlı sübut yoxdur.

Bununla belə, Kirkpatrikin qeyd etdiyi kimi, bu, AARO-da müşahidə edilən təxminən 650 uçan naməlum obyekt hadisəsindən yalnız biridir. Onların əksəriyyəti təbii hadisələrə çevrilib, ya da şarlar idi, ya da başqa cür asanlıqla izah edilə bilən bir şey.

Yeri gəlmişkən, AARO videodakı obyektin təyyarələr üçün təhlükə yarada biləcəyinə inanmır.