Ödənişli yolda 190-la sürən qız saxlanıldı - VİDEO
20 fevral 2024 14:33 (UTC +04:00)

Ödənişli yolda 190-la sürən qız saxlanıldı - VİDEO

Qayda pozuntusu törədərək sosial şəbəkədə paylaşan daha bir şəxs saxlanılıb.

Baş Dövlət Yol Polisi İdarəsindən Lent.az-a verilən xəbərə görə, idarə etdiyi "Land Rover Velar" markalı 99-CN-222 qeydiyyat nişanlı avtomobillə yol hərəkət qaydasını pozaraq bunu sosial şəbəkə hesabında paylaşan Quluzadə Afət Əhməd qızı Baş DYP İdarəsinin əməkdaşları tərəfindən saxlanılıb.

İzahatında törətdiyi əməldən peşman olduğunu və bir daha belə hallara yol verməyəcəyini bildirən A.Quluzadə barəsində inzibati protokol tərtib edilib. 

Baş Dövlət Yol Polisi İdarəsi bir daha bütün sürücülərdən bu kimi hallara yol verməmələrini tələb edir və xəbərdarlıq edir ki, belə hallara yol verən şəxslər aşkar edildikdə heç bir istisna olmadan barələrində ciddi tənbeh tədbirləri görüləcək.

Qeyd edək ki, A. Quluzadə yüksək sürət həddinə görə saxlanılıb.

# 3273
avatar

Oxşar yazılar