Ötən gündən başlayan güclü leysan yağışları Bakı-Şamaxı-Yevlax magistralında hərəkəti iflic edib.
Lent.az xəbər verir ki, güclü leysan yağıntıları nəticəsində yaranan sel özü ilə Qobustan rayonu ərazisindən keçən magistral yola xeyli çöküntü gətirib. Nəticədə avtomobillərin hərəkəti mümkün olmayıb.
DİN-in mətbuat Xəxidmətinin regional qrupundan Lent.az-a bildirilib ki, güclü yağış səbəbindən gələn sel Bakı-Şamaxı - Yevlax yolunun 78-ci kilometrliyində avtomobillərin hərəkətində müəyyən maneə yaradıb.
Əraziyə polis və digər aidiyyəti qurumların əməkdaşları cəlb olunub. Yol daş və qumdan təmizləndikdən sonra hərəkətin axını əvvəlki qaydada bərpa edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
