Türkiyədə dünyanın ən populyar oyun platforması BLOKLANDI - 164 milyon istifadəçisi var

Türkiyədə Roblox.com-a giriş bloklanıb.

Lent.az xəbər verir ki, bu barədə Türkiyə mediası məlumat yayıb.

Məlumata görə, instaqramın Türkiyədə giriş qadağasının əks-sədası davam edir. Belə ki, ölkədə 15 milyon istifadəçisi olan onlayn oyun platforması Roblox da bloklanıb.

Rəsmi açıqlamada bununla bağlı məhkəmə qərarının olduğu vurğulanıb. Beləliklə, Wattpad və Instagram-dan sonra Roblox tətbiqinə giriş də bloklanıb.

İndi ağıllardakı sual budur - Türkiyədə Roblox qadağandır?

Əvvəlcə bu suala cavab verək ki, bəs Roblox nədir?

Roblox, Roblox Corporation tərəfindən hazırlanmış onlayn təcrübə platforması və təcrübə yaratma sistemidir. O, istifadəçilərə təcrübələri proqramlaşdırmağa və digər istifadəçilər tərəfindən yaradılmış təcrübələri oynamağa imkan verir. 2004-cü ildə David Baszucki və Erik Cassel tərəfindən qurulan və 2006-cı ildə buraxılan platforma Lua proqramlaşdırma dilində istifadəçilər tərəfindən kodlaşdırılmış bir çox oyun növlərinə ev sahibliyi edir. Oyun platforması 2010-cu illərin ikinci yarısında sürətlə böyüməyə başladı və bu artım COVID-19 pandemiyası ilə daha da sürətləndi. 2020-ci ilin avqust ayına olan məlumata görə, Roblox-un aylıq 164 milyondan çox aktiv istifadəçisi var və ABŞ-da 16 yaşdan kiçik uşaqların yarısından çoxu oynayır.

Əvvəlcə ədliyyə Naziri Yılmaz Tunç Roblox haqqında danışdı. O, "Roblox” adlı oyun platforması və tətbiq bazarlarındakı bağlantıların, uşaqların istismarına səbəb olacağını söylədi. Bundan sonra Adana Prokurorluğu tərəfindən platformaya giriş blok edildi.

https://twitter.com/yilmaztunc/status/1821259391087341579