Sürücüsüz üzən  TAKSİ  -  VİDEO
07 noyabr 2021 17:31 (UTC +04:00)

Sürücüsüz üzən TAKSİ - VİDEO

Pilotsuz Roboat gəmisi Hollandiya paytaxtının kanallarında nümayiş olunub.

Lent.az xarici mediaya istinadla bildirir ki, layihə dünyanın ən nüfuzlu universitetlərindən birinin - Massaçusets Texnologiya İnstitutunun (MIT) himayəsi altında, daha doğrusu, onun kompüter elmləri və süni intellekt laboratoriyasında Senseable City laboratoriyasının iştirakı ilə yaradılıb.

Qayıqlar beş sərnişin və ya 1500 kiloqram yük üçün nəzərdə tutulub. İnsanların daşınması ilə yanaşı, kanallardan zibillərin yığılması və yüklərin çatdırılması üçün onlardan istifadə edilməsi planlaşdırılır.

Bu cür aparatların digər qeyri-adi istifadəsi ondan ibarətdir ki, onlar qrup halında yığıla, bir-birinə uyğunlaşdırıla və kanalın bir tərəfindən digər tərəfinə müvəqqəti ponton körpüsü təşkil edə bilər.

Süni intellekt kameraların və lidarın köməyi ilə ətraf aləmə “baxır” və müstəqil olaraq digər üzən qurğuların əhatəsində təhlükəsiz marşrut qurur.

Roboat elektrik mühərrikləri ilə idarə olunur. Sürət - 6 km / saata qədərdir. Bir şarj suda 10 saatlıq səyahət üçün kifayətdir.

Sürücüsüz üzən taksi

# 3555
avatar

Oxşar yazılar