Sirli düymə! “Tik-Tok”da populyarlaşan   kontentlərə kim qərar verir?
27 yanvar 2023 17:13 (UTC +04:00)

Sirli düymə! “Tik-Tok”da populyarlaşan kontentlərə kim qərar verir?

“Tik-Tok” son illərin ən çox istifadəçisi olan video platformasıdır.

Lent.az xarici mətbuata istinadən xəbər verir ki, tətbiq müəyyən alqoritm əsasında işləyir.

“Tik-Tok” platformada bəyəndiyiniz və yaddaşda saxladığınız kontentlərə uyğun olaraq sizə videolar təqdim edir. Yəni, istifadəçinin davranışlarına əsasən onların maraqları proqnozlaşdırılır.

Bəs, hər hansı bir videonun populyarlaşması, sadəcə bu alqoritmdən asılıdır?

Məlumata görə, alqoritmin böyük rolu olsa da, səbəb tək bu deyil. 

“Forbes” jurnalında bununla bağlı maraqlı yazı dərc olunub. Platformanın bir neçə keçmiş işçisi kontentlərin məşhurlaşmasında alqoritmlə yanaşı, “isitmə” adlandırdıqları xüsusi üsuldan istifadə etdiklərini açıqlayıblar. Yəni onlar istədikləri videonu seçərək daha çox istifadəçilərin qarşısına çıxarırlar. Nəticədə həmin kontent asanlıqla viral olur.

# 3138
avatar

Sevinc Fərid

Oxşar yazılar