Respublika ərazisində davam edən qeyri-sabit hava şəraiti Yardımlı rayonunda müəyyən fəsadlarla müşayiət olunub.
APA TV-nin Cənub bürosunun məlumatına görə, iki gündən bəri yağan qar rayon yollarında nəqliyyatın, maşın-mexanizmlərin hərəkətini çətinləşdirib. Yolların qardan təmizlənməsi istiqamətində intensiv tədbirlərə başlanıb. Belə ki, dağ kəndləri ilə əlaqə saxlamaq məqsədi ilə Rayon İcra Hakimiyətinin təşəbbüsü ilə həmin ərazilərə ağır texnikalar cəlb olunub. Hazırda yollarda ağır texnikalar çalışır. Eyni zamanda sakinlərin dağ kəndlərinə rahat gediş-gəlişini təmin etmək üçün “UAZ”, “NIVA” və digər nəqliyyat vasitələri ayrılıb. Ərzaq məhsullarının alınmasında da heç bir problem yoxdur. Bir sözlə, Yardımlı rayonuna fasiləsiz yağan qar hələlik sakinlərin gündəlik həyatında ciddi çətinlik yaratmayıb. Rayona elektrik enerjisinin verilişində də heç bir problem qeydə alınmayıb.
Qarın hündürlüyü Yardımlı rayonunun mərkəzində 30-40 sm, ucqar ərazilərdə isə 50-60 sm təşkil edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
