Yağışla əlaqədar Bakının əsas yollarında sürət həddi aşağı salındı

Bakıda bəzi prospekt və yollarda hərəkət sürəti aşağı salınıb.

Lent.az Bakı Nəqliyyat Agentliyinə istinadən bildirir ki, hazırda müşahidə olunan yağışlı hava şəraiti ilə əlaqədar Heydər Əliyev prospekti-Hava limanı-Bilgəh və Zığ yolu-Hava limanı avtomagistrallarında bütün zolaqlar üzrə sürət həddi 20 km/saat endirilib.

Məqsəd yağışlı hava şəraitində hərəkətin təhlükəsizliyini təmin etməkdir.

Hərəkət iştirakçılarına hava şəraitini nəzərə almaları, eləcə də ehtiyatlı olmaları tövsiyə olunur.