Noyabrın 14-nə keçən gecə Bakı şəhərinin Xəzər rayonu ərazisində, Zığ-Aeroport yolunda yüzlərlə işıqlandırıcı və siqnal elementinin sındırılması nəticəsində “Azəryolservis” ASC-yə dəyən ziyan müəyyən edilib. Cəmiyyətdən Lent.az-a verilən məlumata görə, bir və ya bir neçə şəxs tərəfindən törədilmiş xuliqanlıq hadisəsi nəticəsində yol təsərrüfatına ümumilikdə 10 min manatdan artıq ziyan dəyib. Hazırda polis hadisəni törətmiş şəxsləri axtarır.
Lent.az-ın əldə etdiyi məlumata görə, hadisənin baş verdiyi ərazidə, Heydər Əliyev adına hava limanına gedən yolda – dəmiryolu xəttinin üzərindəki körpünün yaxınlığında bu gün “Təhlükəsiz şəhər” kameraları quraşdırılıb. Hadisənin gecə saatlarında Hövsan və Zığ qəsəbələri istiqamətindən Maştağa, Buzovna və Nardarana Aşura mərasimlinə gedən gənclər tərəfindən törədilməsi ehtimal edilir. əməliyyat-axtarış tədbirləri davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
