“Elektron hökumət” portalı vasitəsilə istifadəçilərin ixtiyarına verilən müxtəlif fəaliyyət sahələrinə dair elektron xidmətlərin sayı davamlı olaraq artır. Rabitə və İnformasiya Texnologiyaları Nazirliyindən Lent.az-a verilən məlumata görə, məlumat verilib.
Növbəti olaraq Səhiyyə Nazirliyinin daha 6 elektron xidməti portal istifadəçilərinə təqdim edilib. Bu e-xidmətlərə “Tibb işçilərinin sertifikasiyadan keçməsi üçün müraciətin və sənədlərin qəbulu”, “Qida məhsullarının daşınmasına icazə verən sanitariya pasportunun verilməsi üçün müraciətin və sənədlərin qəbulu”, “Prekursorların idxalı, ixracı, tranzit nəql edilməsi və istehsalı ilə məşğul olmağa xüsusi razılığın verilməsi (lisenziya) üçün müraciətin və sənədlərin qəbulu”, “Dərman vasitələrinin və dərman maddələrinin dövlət qeydiyyatı şəhadətnaməsinin verilməsi üçün müraciətin və sənədlərin qəbulu”, “Dərman vasitələrinin idxalına icazə verilməsi üçün müraciətin və sənədlərin qəbulu” və “Daxili istehsal məhsullarına və idxal edilən məhsullara gigiyenik sertifikatın verilməsi üçün müraciətin və sənədlərin qəbulu” xidmətləri daxildir.
Bununla da səhiyyə sahəsi ilə bağlı portala inteqrasiya edilən e-xidmətlərin sayı 30-a çatıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
