“Ölkəmizdə həkimlərin ixtisaslar üzrə hazırlığı rezidentura sistemi ilə aparılır”. Lent.az-ın məlumatına görə, bunu Səhiyyə Nazirliyinin aparat rəhbəri Zəkiyyə Mustafayeva bildirib. O qeyd edib ki, son 3 tədris ilində 1300-dən artıq rezident aparıcı səhiyyə ocaqlarında təhsil alır: “Ötən il 6 minə yaxın orta tibbi işçisi, 4 mindən artıq həkim praktik fəaliyyətlə məşğul olmaq hüququ verən Sertifikasiya Şəhadətnaməsi alıb”.
Nazirlik rəsmisi onu da qeyd edib ki, həkimlərin mərkəzləşdirilmiş qaydada müsabiqə yolu ilə işə qəbul edilməsi nəticəsində 200-ə yaxın mütəxəssis regionlara göndərilib. Orta tibb işçilərinə tələbatı nəzərə alaraq, Cəlilabad, Saatlı və Quba rayonlarında tibb kollecləri yaradılıb.
Aparat rəhbəri mövcud çatışmazlıqları da qeyd edib: “Səhiyyə müəssisələrində həkim və tibbi işçiləri müxtəlif səbəblərdən təkmilləşdirmə kurslarından yayınır. Sonradan onların sertifikasiyaya cəlb olunmaması halları müşahidə olunur”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
